Turam İngiltərə nəhənginə transfer ola bilər

"İnter"in fransalı futbolçusu Markus Turam karyerasını İngiltərə Premyer Liqasında davam etdirə bilər.

Sportline.az "Football İnsider" nəşrinə istinadən xəbər verir ki, "Arsenal" Turamla yaxından maraqlanır.

27 yaşlı hücumçunun sərbəst qalma məbləği 71 milyon avro olaraq təyin olunub.

Qeyd edək ki, Turam 2023-cü ildən "İnter"in şərəfini qoruyur.

O bu mövsüm bütün turnirlər daxil olmaqla çıxış etdiyi 38 matçda 16 qol və 4 asistlə yadda qalıb.