Türkiyəli futbolçu 18 il sonra doğma klubuna qayıdıb
Son olaraq "Erokspor"da çıxış edən təcrübəli hücumçu Mustafa Pektemek yetirməsi olduğu "Sakaryaspor"a transfer olunub.
Sportline.az Beinsports.com-a istinadla xəbər verir ki, Sakarya təmsilçisi 35 yaşlı oyunçu ilə 1+1 illik müqavilə imzalayıb.
Mustafa Pektemek ötən mövsüm "Erokspor" ilə çıxdığı 32 oyunda 9 qol və 1 asistlə yadda qalıb.
O, daha əvvəl Türkiyə "Başakşehir", "Beşiktaş", "Kayserispor" və "Kasımpaşa" kimi klubların formasını geyinib.
Qeyd edək ki, futbolçu 2015/2016 mövsümündə "Beşiktaş" ilə Super Liqanın qalibi olub.
