Uşu üzrə respublika turniri keçirilib
Uşu üzrə respublika turniri keçirilib.
Sportline.az xəbər verir ki, Oğuz Olimpiya İdman Kompleksində yeniyetmə, gənc və böyüklər arasında uşu üzrə respublika turniri təşkil olunub.
Gənclər və İdman Nazirliyi və Azərbaycan Uşu Federasiyasının birgə təşkilatçılığı ilə keçirilən yarışa 200-dən çox idmançı qatılıb. Turnirdə ölkənin şəhər və rayonlarından ümumilikdə 20-dən çox idman klubu iştirak edib. İdmançılar yarışda uşunun çinda və sanda növləri üzrə yarışıblar.
"Arktika Abşeron" komandası 1-ciyeri tutub. "Gəncə" 2-ci, "Samux" isə 3-cü olub.
Qaliblər Azərbaycan Uşu Federasiyasının diplom və medalları ilə təltif olunub.
