Vaqif Cavadov yarım milyonluq evindən danışdı
Milli komandamızın sabiq üzvü Vaqif Cavadov İTV-də yayımlanan 3D proqramında Dadaş Dadaşlinskinin qonağı olub.
Sportline.az xəbər verir ki, o, çıxışı zamanı yarım milyon dəyərindəki mənzilini satışa çıxarması ilə bağlı yayılan məsələyə aydınlıq gətirib.
Vaqif Cavadov mövzu ətrafında danışarkən kinayəli şəkildə deyib ki, satışa çıxarılan ev stadiondan iki dəfə böyükdür: "Yarım milyon deyil, bir az çoxdur. Əgər onların dediyi kimi yarım milyonluq evdirsə, onda ev stadiondan iki dəfə böyükdür. Məlumatı bilən deyə bilər ki, 100 metr deyil, ikiqatdır".
Qeyd edək ki, bir müddət öncə azərbaycanlı futbolçunun böyük borclara görə "Yeni Həyat"dakı mənzilini yarım milyon manat satışa qoyması barədə iddialar yayılmışdı. Vaqif Cavadov sonradan mətbuata açıqlamasında bunu təkzib etmiş və iddiaları əsassız saymışdı.
