Vəli Qasımov: "Ümid edirəm ki, məhz bu komanda çempion olacaq"
"Ümumi mənzərəyə baxanda maraqlı çempionat keçdiyini söyləmək olar".
Bu sözləri Sportline.az saytına AVRO-2020 ilə bağlı açıqlamasında Azərbaycan futbolunun ən tanınmış simalarından olan Vəli Qasımov deyib. Vaxtilə İspaniyanın "Betis", "Albasete" və "Esixa" klublarının da şərəfini qorumuş veteran futbolçu əsas favoritinin də məhs İspaniya millisi olduğunu bildirib: "Əvvəlcədən demişdim ki, sürprizlər olacaq. Bu da, təsdiqini tapır. Çexiyanın Niderlandı, İsveçrənin Fransanı mübarizədən kənarlaşdırması bunun sübutudur.
Həm, vaxtilə İspaniyada oynadığıma görə, həm də, bu komandanın oyununu bəyəndiyimdən İspaniya millisinə azarkeşlik edirəm. Cavan heyətə və yüksək potensiala malik komandadır. Düşünərəm ki, çempion da, məhz İspaniya seçməsi olacaq.
Dünən də, gözəl oyun nümayiş etdirdilər. Sonda da, onların baş mükafata layiq görüləcəyinə ümid bəsləyirəm”.
