"Yuventus"dan "Qaziantep FK"ya
Super Liqa klublarında "Qaziantep FK" "Yuventus"dan Kristofer Lunqoyini heyətinə qatdığını açıqlayıb.
Sportline.az Ntvspor.net-ə istinadla xəbər verir ki, Türkiyə klubu ilə 24 yaşlı futbolçu arasında 2+1 illik müqavilə imzalanıb.
Lunqoyi futbolçuluq karyerasına İsveçrənin "Servette" klubunda başlayıb. Futbolçu 2021-ci ildə 3.4 milyon avro qarşılığında Yuventusa transfer olunub. O, daha sonra icarə əsasında "St.Qallen", "Askoli" və "Yverdon Sport" kimi klubların formasını geyinib. Karyerası ərzində 166 oyuna çıxan əslən konqolu futbolçu bu matçlarda 32 qol vurub, 9 asist edib.
Qeyd edək ki, İsveçrə millisində oynamağı seçən Lunqoyi millinin aşağı yaş qruplarında 17 oyunda 2 qol vurub.
