Zəfər Gününə həsr olunan stolüstü tennis turniri keçirilib
2014-cü il və kiçik təvəllüdlü stolüstü tennisçilərin Zəfər Gününə həsr olunan Respublika turniri keçirilib.
Sportline.az xəbər verir ki, “Şüa İdman Kompleksi”ndə təşkil olunan yarış maraqlı mübarizə ilə yadda qalıb.
Nəticələrə əsasən, oğlanlar arasında Əliəkbər Mirzəliyev baş mükafata layiq görülüb. Həzrət Kamilov ikinci, Saleh Hümbətovla Kərim Camal üçüncü yeri tutub.
Qızların yarışı Banu İmamverdizadənin qələbəsi ilə nəticələnib. O, finalda Yasəmən Həbibovaya qalib gəlib.
Mehin Mirzəbalayeva ilə Nailə Nəzirova üçüncü olub.
Fərqlənən idmançılara Azərbaycan Stolüstü Tennis Federasiyasının diplom və hədiyyələri təqdim olunub.
