"Sumqayıt" hazırlığa başladı

3-cü turda “Zirə” ilə qarşılaşmanın ardından 2 günlük istirahətə buraxılan “Sumqayıt” məşqləri bərpa edib. 

SportLine.az-ın klubun saytına istinadən yaydığı xəbərə görə, bu gün saat 19:00-da “Kapital Bank Arena”da məşqə çıxan Samir Abasovun yetirmələri əsasən toplu çalışmalar və taktiki gedişlər üzərində çalışıb. 

Xəyal Nəcəfov, Bəhlul Mustafazadə və Ehtiram Şahverdiyev U-21 millinin heyətində olduqları üçün məşq prosesində iştirak etməyiblər. Kapitan Vurğun Hüseynov isə zədəsini tam sağaldaraq, komandaya qoşulub.

Qeyd edək ki, “Sumqayıt” - “Neftçi” qarşılaşması 10 sentyabr tarixində “Kapital Bank Arena”da keçiriləcək.