Bakıda basketbol turniri keçiriləcək

Bakıda basketbolun 3x3 növü üzrə növbəti turnir keçiriləcək. SportLine.az xəbər verir ki, avqustun 7-də “Basketball 3x3 Championship in Baku 2016-2017” turunun ikinci mərhələsi baş tutacaq.

Turnirdə 28 komanda iştirak edəcək. Bunlardan 18-i böyüklər, 10-u uşaq və gənclərdən ibarət komandalardı.

Qeyd edək ki, ilk turun qalibi Dmitri Neçay, Vadim Doqşın, Emil Mirzoyev və Rüstəm Əliyevdən ibarət AZTOP olub.