39 nəfərə fəxri ad verildi

“5 mart-Bədən tərbiyəsi və idman günü” münasibətilə idmanın inkişafında və təbliğində xidmətləri olan idman mütəxəssislərinə fəxri adlar verilib.

Sportline.az xəbər verir ki, bunu Gənclər və İdman Nazirliyinin mətbuat katibi Səmayə Məmmədova bildirib.

Onun sözlərinə görə, siyahıda 39 nəfərin adı yer alıb.

Onlardan 19-u "Fəxri bədən tərbiyəsi və idman işçisi", 14-ü "Azərbaycan Respublikasının əməkdar məşqçisi", 4-ü "Əməkdar idman ustası", 2-si isə "Respublika dərəcəli hakim" adına layiq görülüb.