8 Mart - Beynəlxalq Qadınlar Günü ilə əlaqədar veloyürüş keçirilib

"Cyclemania Lady" və "Velo Səhərlə" qruplarının təşkilatçılığı, Azərbaycan Velosiped İdmanı Federasiyasının dəstəyi ilə 8 Mart - Beynəlxalq Qadınlar Gününə həsr olunmuş veloyürüş keçirilib. Sportline.az federasiyanın mətbuat xidmətinə istinadən xəbər verir ki, start və finiş nöqtəsi Azneft Meydanı olan yürüşdə 100-ə yaxın xanım velosipedçi iştirak edib. Bundan başqa, AzVİF-in tərkibində fəaliyyət göstərən klub və cəmiyyətlərin velosipedçi qızları da bayram yürüşünə qoşulublar.