"Arsenal" PSV ilə matça itkilərlə çıxacaq

UEFA Çempionlar Liqasında bu gün 1/8 final mərhələsinin ilk matçlarına start veriləcək.

Sportline.az xəbər verir ki, “Yuventus”u mübarizədən kənarlaşdıran PSV bu dəfə “Arsenal” səddini adlamağa çalışacaq.

“Arsenal”da itkilərin sayı kifayət qədərdir. Kay Haverts, Bukayo Saka, Qabriel Jesus və Qabriel Martinelli baş məşqçi Mikel Artetanın sərəncamında olmayacaq.

PSV-də isə Serjinyo Dest, Malik Tilman, Esmir Bayraktareviç və Rikardo Pepi oyunu kənardan izləməli olacaq.

Start fiti gecə yarısı saat 12-də səslənəcək görüşü ispaniyalı hakim Xesus Xil Manzano idarə edəcək.