Avropa çempionatı: Azərbaycanın voleybol millisinin oyunlarının vaxtı bəlli olub
Kişilərdən ibarət voleybol üzrə Azərbaycan millisinin Avropa çempionatının təsnifat mərhələsindəki oyunlarının təqvimi bəlli olub.
Sportline.az xəbər verir ki, Pərviz Səmədovun baş məşqçi olduğu komanda A qrupundakı ilk matçını avqustun 3-də Bakıda Danimarkaya qarşı keçirəcək. Voleybol Mərkəzindəki görüş saat 18:00-da başlayacaq.
Yığma 3 gün sonra eyni məkanda Türkiyə seçməsini qəbul edəcək. Həmin qarşılaşma da saat 18:00-da start götürəcək.
Milli avqustun 17-də Türkiyənin, avqustun 20-də isə Danimarkanın qonağı olacaq. Oyunlar müvafiq olaraq Bakı vaxtı ilə saat 17:30-da və saat 19:00-da başlayacaq.
