Avropa komandaları DÇ-nin qrup mərhələsində qarşılaşmayacaq

DÇ-2026-in qrup mərhələsində Avropa milli komandaları bir-biri ilə qarşılaşmayacaq. Sportline.az xəbər verir ki, bu barədə UEFA-nın İcraiyyə Komitəsinin üzvü Frantişek Laurineç məlumat verib. Onun sözlərinə görə, DÇ-2026-nın formatı müzakirə  olunub: "Dünya çempionatında iştirak edəcək 16 Avropa komandası qrup mərhələsində bir-birləri ilə oynamayacaq. 16 qrupun hər birində 1 Avropa komandası olacaq. Bu qərar may ayında FİFA-nın Konqresində təsdiqlənəcək. FİFA İdarə Heyəti bu qərarı təsdiq edib".