Azərbaycan – Sent Lüsiya oyununun hakimləri açıqlandı
Azərbaycan milli komandasının “FIFA Series – 2026” beynəlxalq turniri çərçivəsində Sent Lüsiya yığması ilə keçirəcəyi oyunun hakim təyinatları açıqlanıb.
QOL.az xəbər verir ki, bu barədə AFFA-nın saytı məlumat yayıb.
Martın 27-də Mehdi Hüseynzadə adına Sumqayıt şəhər stadionunda təşkil olunacaq görüşü Gürcüstandan olan hakimlər briqadası idarə edəcək. Saat 19:00-da başlayacaq matçın baş hakimi Giorgi Kruaşvili olacaq. Ona yan xətdə Levan Varamişvili və Giorgi Elikaşvili köməklik edəcək. Dördüncü hakim funksiyasını isə Koba Revazaşvili yerinə yetirəcək.
