Bahar kubokunun qalibi məlum oldu

Qadın voleybolçular arasında keçirilən Bahar kubokuna yekun vurulub.

Sportline.az xəbər verir ki, 3-cü yer uğrunda oyunda "Azərreyl" və UNEC komandaları üz-üzə gəliblər.

Meydandan 3:0 (25:20, 25:14, 25:16) hesablı qələbə ilə ayrılan "Azerreyl" bürünc medallara sahib çıxıb.

Final matçında isə "Abşeron" və "Murov" kollektivləri qarşılaşıblar.

Rəqibini 3:0 (25:23, 25:18, 25:18) hesabı ilə məğlub edən "Abşeron" Bahar kubokunun qalibi olub.