"Barsa"nın baş məşqçisindən karyerası ilə bağlı açıqlama
"Barselona"nın baş məşqçisi Kike Setyen klubdakı gələcəyi barədə fikirlərini bildirib.
Sportline.az İspaniya mətbuatına istinadən xəbər verir ki, o, növbəti mövsüm də özünü Kataloniya təmsilçisinin başında gördüyünü deyib:
"Özünü növbəti mövsümün "Barselona" ilə məşqə çıxarkən görə bilərəm. Mən əvvəllər də bu vəziyyəti yaşamışam. Etiraf edirəm ki, gözlənilən uğur qazana bilməmişik, amma dəyərli işlər gördüyümüzü də deyə bilərəm. Baş verənlərin məsuliyyətini öz üzərimə götürürəm, amma hamısının deyil".
Qeyd edək ki, "Barselona" La Liqanın bərpasından sonra liderliyi əldən verib. Komanda hazırda lider olan "Real"dan 4 xal geri qalır.
