“Bayer” bu futbolçuya görə 50 milyon avro tələb edir

“Bayer” klubunun nigeryalı futbolçusu Viktor Bonifeys karyerasını İngiltərə Premyer Liqasında davam etdirə bilər.

Sportline.az “Sky Sports”a istinadən xəbər verir ki, “Arsenal”, “Çelsi” və “Liverpul” Bonifeyslə yaxından maraqlanır.

“Bayer” 24 yaşlı hücumçu üçün 50 milyon avro tələb edir.

Qeyd edək ki, Bonifeys bu mövsüm bütün turnirlər daxil olmaqla çıxış etdiyi 15 matçda 8 qol və 1 asistlə yadda qalıb.