Benzema bu oyunda da meydanda olmayacaq

"Real"ın futbolçusu Kərim Benzema DÇ-2022 başlayana qədər Madrid təmsilçisinin heyətində oynamayacaq .

Sportline.az xəbər verir ki, bu barədə "L'Equipe" məlumat yayıb. 34 yaşlı hücumçu zədədən sonra hələ də bərpa prosesini tamamlaya bilməyib. Onun bud əzələsində problem aşkarlanıb. Fransalı forvard noyabrın 10-da "Kadis"lə matçı buraxacaq. Bu, "Real"ın dünya çempionatından əvvəl keçirəcəyi son oyundur.

Qeyd edək ki, DÇ-2022 noyabrın 20-dən dekabrın 18-dək Qətərdə keçiriləcək.