"Çelsi" ingiltərəli futbolçunu transfer etmək istəyir
"Çelsi" transfer dönəminin son günlərində "Brendford"un hücumçusu Ayvan Tonini heyətinə qatmaq istəyir.
Sportline.az Sky Sport-a istinadla xəbər verir ki, London klubu yaxın günlərdə 28 yaşlı futbolçu üçün "Brendfor"da rəsmi təklif göndərəcək.
Ötən mövsüm Premyer Liqada 17 oyuna çıxan Toni 4 qol və 2 asistlik performans göstərib.O, mövsümün böyük hissəsini cəzası səbəbi ilə buraxmışdı. Futbolçu AVRO 2024-də İngiltərə millisi ilə 3 oyunda iştirak edib və 1 məhsuldar ötürmə ilə yadda qalıb.
Qeyd edək ki, İngiltərədə yay transfer pəncərəsi avqustun 30-da bağlanacaq.
