Dabodan "Neftçi"yə atmaca

Baqali Dabo sabiq komandası “Neftçi”yə atmacalı mesaj ünvanlayıb.

Sportline.az xəbər verir ki, fransalı hücumçu özünün İnstaqram səhifəsində 2019/20 mövsümündə Premyer Liqada qazandığı gümüş medalını və bombardirlik mükafatınının şəklini paylaşıb. Bu zaman o, AFFA və PFL-ə təşəkkür etsə də, mükafatı qazanmasında birbaşa əməyi olan “Neftçi”ni yada salmayıb.

Xatırladaq ki, “Neftçi” ilə Dabo qalmaqallı şəkildə yolları ayırıb. Bunda onun bir müddət əvvəl “Neftçi”də çıxış etdiyi vaxt “Qarabağ” forması ilə çəkdirdiyi şəkil az rol oynamayıb.

Qeyd edək ki, Azərbaycandan getdikdə sonra, o, bugünlərdə Kiprin "Apollon" klubu ilə müqavilə bağlayıb.