Daha bir klub prezidenti koronavirusa yoluxdu
Milli Basketbol Assosiasiyasında (NBA) çıxış edən “Nyu-York Niks”in sahibi Ceyms Dolan koronavirusa yoluxub.
Sportline.az klubun rəsmi saytına istinadən xəbər verir ki, Dolan hazırda karantinə alınıb. Lakin demək olar ki, onda xəstəliyin əlamətləri yoxdur. O, klubun iş fəaliyyətinə nəzarət etməyə davam edir.
Qeyd edək ki, “Nyu-York Niks” 4.6 milyard dollar dəyərinə görə “Forbes” tərəfindən ən bahalı NBA klubu hesab olunur. “Los-Anceles Leykers” (4.4 milyard dollar) və “Qolden Steyt” (4.3 milyard dollar) növbəti yerlərdə qərarlaşıb.
