Daha bir yarış koronavirusa görə təxirə salınır
Koronavirus pandemiyası daha bir nüfuzlu idman yarışının keçirilməsini sual altında qoyub.
Sportline.az xəbər verir ki, "Böyük dəbilqə” seriyasına daxil olan tennis üzrə Avstraliya açıq çempionatı təxirə salına bilər. Təşkilatçılar 2021-ci ilin yanvarına planlaşdırılan yarışı bir ay sonra keçirməyi nəzərdən keçirir. Buna səbəb ölkəyə giriş-çıxışa məhdudiyyətləri qoyulmasıdır.
Öncədən idmançıların karantin dövrünü keçməsi məqsədilə dekabrdan Avstraliyaya gəlməsi nəzərdə tutulmuşdu.
