Dünya çempionatının ev sahibi məlum oldu
2020-ci ildə keçiriləcək sambo üzrə dünya çempionatının keçiriləcəyi şəhər müəyyənləşib.
Sportline.az xəbər verir ki, yarış Türkmənistanın paytaxtı Aşxabatda təşkil olunacaq. Qərar Beynəlxalq Sambo Federasiyasının (FİAS) Rusiyanın paytaxtı Moskvadakı İcraiyyə Komitəsinin iclasında qəbul edilib. Aşxabat şəhəri komitə üzvləri tərəfindən yekdilliklə seçilib.
Qeyd edək ki, bu ilki dünya çempionatı 7 - 11 noyabrda Cənubi Koreyanın Seul şəhərində olacaq. Daha öncə sambo idman növü Beynəlxalq Olimpiya Komitəsi (IOC) tərəfindən müvəqqəti tanınıb.
