Federasiya prezidenti fərqlənən citkundoçularla görüşdü
Azərbaycan Döyüş Federasiyaları Assosiasiyasının prezidenti Azər Həsənsoy Türkiyənin Adana şəhərində keçirilən dünya çempionatında fərqlənən citkundoçularla görüşüb.
Sportline.az xəbər verir ki, assosiasiya prezidenti idmançıları təbrik edib və onlara uğurlar arzulayıb. Görüşdə həmçinin citkundo üzrə beynəlxalq yarışların ölkəmizdə təşkili barədə məsələlər müzakirə olunub.
Qeyd edək ki, idmançılarımız dünya çempionatında 5 qızıl, 2 gümüş, 1 bürünc medal qazanıblar. Belə ki, İlqar İbrahimov, Rəşad İsayev, Mehdi Salmanov, Fərrux İbrahimov, Pərviz Abıyev, Amal Məmmədov, Zaur Quluzadə, Amin Əlili mükafatçılar sırasında qərarlaşıb.
Elçin Eminov isə mərakeşli rəqibinə qalib gələrək citkundo üzrə dünya kəmərinin sahibi olub.
