"Fənərbağça" - "Lion": Düşərgələrdəki son durum

Bu gün UEFA Avropa Liqasının Liqa mərhələsində VII tura yekun vurulacaq.

Sportline.az xəbər verir ki, “Fənərbağça”nı “Şükrü Saracoğlu” stadionunda “Lion”la çətin qarşılaşma gözləyir.

Heyətlərə nəzər saldığda meydan sahiblərində itkilərin çoxluğu diqqət çəkir. Qapıçı Dominik Livakoviç, Ceydon Ostervolde, Rodriqo Bekao zədə, Mert Müldür isə cəza səbəbindən matçı buraxmalı olacaq.

“Lion”da isə Aytlin Meytlin Nayls və Nikolas Talyafiko komandasına kömək edə bilməyəcək.

Qeyd edək ki, start fiti 21:45-də səslənəcək oyunu italiyalı Simone Sozza idarə edəcək.