Güləşçimiz Avropa çempionatının medalını qazanıb

 Qadın güləşçimiz Ruzanna Məmmədova (59 kq) Bakıda keçirilən U-23 Avropa çempionatında bürünc medal qazanıb.

Sportline.az xəbər verir ki, təmsilçimiz üçüncü yer uğrunda görüşdə rumıniyalı Ana Mariya Puiuya qalib gəlib.

Qeyd edək ki, digər güləşçilərimizdən Jalə Əliyeva (57 kq) və Elnurə Məmmədova (53 kq) final mərhələsində mübarizə aparacaq.

Şəhanə Nəzərova (50 kq), Nigar Mirzəzadə (65 kq) və Mərziyyə Sadıqova (72 kq) isə yarışı mükafatsız başa vurub.