Hakimlər Komitəsinin sədri "Turan Tovuz" - "Araz-Naxçıvan" matçındakı mübahisəli epizodu şərh etdi
Hakimlər Komitəsinin sədri Frank De Blekere Azərbaycan Premyer Liqasının 7-ci turunun "Turan Tovuz" – “Araz Naxçıvan” oyununda baş verən mübahisəli epizod barədə açıqlama verib.
Sportline.az xəbər verir ki, sabiq referi Ramon Maçadonun Roderik Millerlə mübarizə zamanı rəqibinə xəsarət yetirməsini bu cür şərh edib:
"Top havada olan zaman “Araz-Naxçıvan” komandasının 16 nömrəli oyunçusu Ramon Maçado topa oynamaq istəyir və ayağının ucu ilə “Turan-Tovuz” komandasının 5 nömrəli futbolçusu Roderik Millerin baş nahiyəsinə zərbə endirir. Hakim oyunçunun düşüncəsiz davranışına görə ona sarı vərəqə göstərir. Təlimatlara əsasən, “Araz-Naxçıvan”ın oyunçusunun topa baxdığını və topa oynamaq istədiyini nəzərə alaraq, verilən sarı vərəqəni dəstəkləyirik. O, ayağının ucu ilə (butsun altı ilə deyil) müdafiəçinin başına/üzünə aşağı intensivliklə və o qədər də güclü olmayan zərbə endirir. Təhlükəli vəziyyət olsa da, “Araz-Naxçıvan”ın oyunçusunun etdiyi qəsdən təmas/qayda pozuntusu deyil".
