İngiltərə nəhəngi Gyökereşi transfer etmək istəyir

“Sportinq”in isveçli futbolçusu Viktor Gyökereş karyerasını “Dumanlı Albion”da davam etdirə bilər.

Sportline.az “Team Talk” nəşrinə istinadən xəbər verir ki, “Mançester Yunayted” Gyökereşi yanvar ayında heyətinə qatmaq istəyir.

Bu keçid üçün İngiltərə klubu “Sportinq”ə 75 milyon avro ödəməyə hazırdır.

Qeyd edək ki, Gyökereşin bu mövsüm bütün turnirlər daxil olmaqla çıxış etdiyi 27 matçda 27 qol və 6 asistlə yadda qalıb.