İspaniyalı futbolçu Premyer Liqa klubunda

İspaniya ilə Avropa çempionu olan Mikel Merino karyerasını İngiltərədə davam etdirəcək.

Sportline.az GOAL.com-a istinadla xəbər verir ki, "Arsenal" 28 yaşlı futbolçunu heyətinə qatıb. Onunla 2028-ci ilə qədər müqavilə imzalanıb.

"Arsenal" futbolçunun sabiq klubu "Real Sosiedad"a bu transfer üçün 37.5 milyon avro ödəyib.

Merino peşakar karyerasına "Osasuna"da başlayıb. O, həmçinin "Borussiya" Dortmund və "Nyukasl" klublarında da oynayıb.

Qeyd edək ki, 28 dəfə İspaniya millisinin formasını geyinən yarımmüdafiəçi AVRO 2024-də çempionluq yaşayıb.