Joze Alesio Da Silva: "Meydana çıxmısansa, sona qədər mübarizə aparmalısan"

Futzal üzrə milli komandamız Serbiya seçməsi ilə yoldaşlıq görüşü keçirib.

Sportline.az xəbər verir ki, Serbiya seçməsini yoldaşlıq görüşündə 2:1 hesabıyla məğlub edən millimizin baş məşqçisi Joze Alesio Da Silva affa.az saytına açıqlama verib.

“Maraqlı oyun alındı. Rəqibimiz kifayət qədər güclü komanda olsa da, oyunçularım özlərini yaxşı tərəfdən göstərdilər. Məni ən çox sevindirən məqam oyun intizamına riayət etməkdir ki, bu qarşılaşmada bunu bacardıq. Təbii ki, bütün rəqiblərimizə hörmətlə yanaşırıq. Ancaq hər bir oyunun öz xarakteristikası, tapşırığı var. Bu komanda ilə daha bir oyunumuz var. Əvvəlki səhvlərimizi təkrarlamamağa çalışacağıq. Meydana çıxmısansa, sona qədər mübarizə aparmalısan”.