Kikboksçularımızla görüş keçirildi
Aprelin 8-dən 10-adək Türkiyənin Yalova şəhərində beynəlxalq kikboks turniri keçirilib.
Sportline.az xəbər verir ki, “Türkiyə Avropaya qarşı” adlı yarışda Azərbaycan Kikboksinq Federasiyasının Xocalı İdman Klubu da iştirak edib. Peşəkar idmançılarımız yüksək nəticə göstəriblər. Yarışda 10 idmançımız mübarizə aparıb.Belə ki, komandamız vətənə 8 qızıl, 2 gümüş medalla dönüb. Klub üzvləri ilə görüş keçirilib və nəticələr yüksək qiymətləndirilib.
Qeyd edək ki, Xocalı Kikboksinq Klubu may ayında İstanbulda təşkil olunacaq daha bir beynəlxalq turnirdə iştirak edəcək. Komanda qarşıdakı yarışların hazırlığına artıq start verib.
