Komandamızın rəqibindən 23 qol
Futzal üzrə Rumıniya çempionatında 2021/2022 mövsümünə start verilib.
Sportline.az xəbər verir ki, Çempionlar Liqasının əsas mərhələsində "Araz"ın qrupunda yer alan "United Qalati" ilk turda "Klujana" ilə qarşılaşıb və rəqibinə divan dutub - 23:1.
Kosmin Petiça 5, Ostavian Çireş 4, Robert Krişan və Sergiu Takot hərəyə 3, Matey Boşneaqa və Daniel Araujo isə 2 dəfə fərqlənib. Daha 3 futbolçu - Konstantin Burdujel, Artur Çireş və Marius Arhire hərəyə 1 qol vurublar. "United Qalati"nin 23-cü qolu isə avtoqoldan qeydə alınıb.
Maraqlıdır ki, rəqib də yeganə qoluna "United Qalati"nin oyunçusu Krişanın öz qapısına yol tapmasından sonra sevinib.
"Araz"ın rəqibi növbəti oyununu sentyabrın 14-də "Autoberqamo Deva"ya qarşı keçirəcək.
