“Liverpul” nəhayət ki qələbə qazandı

İngiltərə Premyer Liqasında 13-cü turun oyunları davam edir.

Sportline.az xəbər verir ki, bu mövsüm uğursuz nəticələrlə hər kəsi təəcübləndirən “Liverpul” bu turu “Vest Hem Yunayted”ə qarşı keçirib. İlk hissəsi qolsuz başa çatan oyunda sükut 60-cı dəqiqədə pozulub.

Bu yay “Nyukasl Yunayted”dən rekord məbləğə - 145 milyon avro qarşılığında “Liverpul”a transfer olunan Aleksander İsak qolu vurub. Bu həmdə isveçli hücumçunun bu mövsüm Premyer Liqada ilk qolu olub.

84-cü dəqiqədə Lukas Paketa qırmızı vərəqə alaraq “Vest Hem”i 10 nəfərlə qoyub. Say üstünlüyündən yararlanan Mersisayd klubu əsas vaxta artırılan 2-ci dəqiqədə Kodi Qakpo bütün suallara aydınlıq gətirib.

2-0 hesabı ilə qalib gələn “Liverpul” 21 xalla 8-ci pilləyə yüksəlib. “Vest Hem Yunayted” 11 xalla 17-cidir.