"Mançester Siti" - "Vest Hem Yunayted": Düşərgələrdəki son durum
Bu gün İngiltərə Premyer Liqasında 20-ci tura start veriləcək.
Sportline.az xəbər verir ki, son çempion "Mançester Siti" "Etihad stadium"da "Vest Hem Yunayted"lə qarşılaşacaq.
"Mançester Siti"nin heyətində itkilərin sayı kifayət qədərdir. Qapıçı Ederson, Mateus Nunes, Con Stounz, Ruben Diaş, Rodri və Oskar zədə səbəbindən matçda iştirak etməyəcək.
"Vest Hem Yunayted"də isə qapıçı Lukas Fabianski, Cered Boven və Maykl Antonio baş məşqçi Julen Lopoteqinin sərəncamında olmayacaq.
Qeyd edək ki, 19:00-da start götürəcək matçı Maykl Salisböry idarə edəcək.
