“Mançester Siti”dən yeni transfer həmləsi

“Mançester Siti”nin yanvar ayı üçün əsas transfer hədəfi bəlli olub.

Sportline.az insayder Fabritsio Romanonun məlumatına istinadən xəbər verir ki, “Lens”in özbəkistanlı futbolçusu Abdukodir Kusanov karyerasını “Mançester Siti”də davam etdirməyə yaxındır.

İngiltərə klubu A.Kusanov üçün “Lens”ə 12 milyon avro ödəməyə hazırdır.

Qeyd edək ki, 20 yaşlı müdafiəçinin Fransa klubu ilə müqaviləsi 2027-ci ilin iyun ayına qədərdir.