"Mançester Siti"yə şad xəbər

"Mançester Siti"nin növbəti iki mövsüm ərzində Çempionlar Liqasından kənarlaşdırılması qərarı ləğv olunacaq.

Sportline.az xəbər verir ki, bu barədə "BBC Radio Manchester"in keçmiş müxbiri İan Çizmen özünün "Tvitter" hesabında yazıb.

O, İdman Arbitraj Məhkəməsinin (CAS) klubun müraciətini təmin edəcəyini bildirilib. Jurnalist CAS-ın bununla bağlı qərarını iyulun 13-ü rəsmən açıqlayacağını vurğulayıb.

Qeyd edək ki, "Siti" feyr-pley qaydalarını pozduğu üçün UEFA tərəfindən 2 illik avrokuboklardan uzaqlaşdırılıb və 30 milyon avro məbləğində cərimələnib.

Əlavə edək ki, Pep Qvardiolanın komandası hazırda İngiltərə Premyer Liqasında  69 xalla 2-ci pillədə qərarlaşıb.