Məhəmmədrəsul Məcidov qələbə ilə başladı
"Bakı 2017" IV İslam Həmrəyliyi Oyunlarında boks yarışları start götürüb. Sportline.az xəbər verir ki, boksçularımızdan ilk olaraq rinqə Məhəmmədrəsul Məcidov çıxıb. 91 kq-dan yuxarı çəkidə yer alan ikiqat dünya çempionunun təsnifat mərhələsindəki rəqibi qazaxıstanlı Nurlan Saparbay olub. Görüş Məcidovun üstünlüyü şəraitində keçib. O, ikinci raundda rəqibini noqdauna salmağı bacarıb. Üçüncü raund da yekunlaşdıqdan sonra hakimlərin yekdil rəyinə əsasən, 31 yaşlı idmançı qalib elan olunub.
Qeyd edək ki, 1/4 finala vəsiqə qazanan Məhəmmədrəsul Məcidovun rəqibi misirli Uosri Hafez olacaq. Döyüş mayın 15-də keçiriləcək.
