Messi 46-cı kubokunu qazanıb
Lionel Messi fanatlarını daha bir uğurlu nəticəsi ilə sevindirib.
Sportline.az xəbər verir ki, argentinalı ulduz karyerasında 46-cı kubokunu qazanıb.
Bu nəticə Amerika Milli Futbol Liqasında (MLS) reallaşıb.
Növbəti turda "Kolumbus" üzərində 3-2 hesablı qələbə çalan "İnter Mayami" vaxtından əvvəl müntəzəm çempionatın qalibi olub ki, bu, da Messinin sayca 46-cı kuboku kimi tarixə düşüb.
Qeyd edək ki, argentinalı forvard bu mövsüm çempionatda keçirdiyi 16 oyunda 15 qol və 10 məhsuldar ötürmə ilə yadda qalıb.
