Millimizin üzvü yeni klubda

U-21 millimizin futbolçusu Məhəmməd Mustafa Yıldırımın yeni klubu müəyyənləşib.

Sportline.az xəbər verir ki, 20 yaşlı hücumçu  Türkiyə 2-ci liqa təmsilçisi "Çorum"a transfer olunub. Bu barədə klubun mətbuat xidməti məlumat yayıb. Onunla 2.5 illik müqavilə imzalanıb.  Futbolçu bu mövsümün ikinci yarısında komandanın formasını geyinəcək.

Mustafa Yıldırım 2020-ci ildən Azərbaycanın U-21 yığmasında çıxış edir.

Xatırladaq ki, M.Yıldırım ötən ay "İstanbulspor"dan ayrılmışdı.

Qeyd edək ki, "Çorum" Türkiyə 2-ci liqasında 16 xalla 8-ci pillədə qərarlaşıb.