Millinin keçmiş üzvü koronavirus qurbanı oldu

İraq millisinin sabiq üzvü Əhməd Radi vəfat edib.

Sportline.az xəbər verir ki, bu barədə “Əl Cəzirə” kanalı məlumat yayıb. 56 yaşlı keçmiş hücumçunun iyunun 21-də, koronavirusdan öldüyü bildirilib. Radi İraq milli komandasının DÇ-1986-da vurduğu yeganə qolun müəllifi olub. Mərhum hücumçu 1988-ci ildə Asiyada ilin futbolçusu seçilib.

Qeyd edək ki, İraq millisi ilə 73 oyunda 42 qol vuran Radi, “Al-Zavraa”, “Al-Raşid” və “Al-Bakra” klublarında çıxış edib.