Millinin oyun cədvəli açıqlandı

Futzal üzrə Azərbaycan millisinin DÇ-2024-ün elit-raund mərhələsində keçirəcəyi oyunların təqvimi bəlli olub.

Sportline.az xəbər verir ki, millimiz A qrupunda Rumıniya, Niderland və Qazaxıstanla mübarizə aparacaq.

Komandamız ilk oyununu sentyabrın 15-də Rumıniya səfərində keçirəcək. Bu, həm də yeni baş məşqçi Vitali Borisovun bu postda rəsmi debütü olacaq. Ondan 5 gün sonra futzalçılarımız Niderlandı qəbul edəcək.

Oktyabrda qrupun daha iki turu olacaq. Azərbaycan millisi həmin ayın 6-da Qazaxıstanı evdə sınağa çəkəcəksə, 11-də bu komandanın qonağı olacaq.

Dekabrın 15-dəki rəqib isə Rumıniya olacaq. Rumınilarla bu dəfə doğma divarlar arasında üz-üzə gələcək millimiz qrupda son qarşılaşmasını dekabrın 20-də səfərdə Niderlanda qarşı keçirəcək.