MLS-də koronavirus şoku
ABŞ-ın MLS çempionatı koronavirus testlərinin nəticələrini açıqlayıb.
Sportline.az xəbər verir ki, 18 futbolçunun və 6 işçinin testləri müsbət nəticələnib. Ümumilikdə, mövsümün yenidən başlaması ərəfəsində 668 futbolçu testdən keçib.
Qeyd edək ki, MLS-də yeni mövsüm iyulun 8-də bərpa olunacaq. Turnir dünya çempionatı formatında Orlandoda keçiriləcək və 11 avqusta qədər davam edəcək. Oyunçular və klub rəsmiləri mütəmadi olaraq koronavirus testlərindən keçəcəklər.
MLS-də mövsüm martın 12-də koronavirusa görə dayandırılıb.
