Pərviz Abdullayev bu gün döyüşür

Peşəkar kikboksçumuz Pərviz Abdullayev bu gün növbəti dəfə rinqə çıxacaq. SportLine.az xəbər verir ki, idmançımız bu idman növündə ən mötəbər turnirlərdən biri - “Glory”də ilk döyüşünü keçirəcək.

Hollandiyanın paytaxtı Am.sterdamda baş tutacaq döyüşdə idmançımızın rəqibi mərakeşli Aziz Kallah olacaq. 

Bu, Kobra ləqəbli idmançımızın ümumilikdə 45-ci döyüşüdür. 14-ü nakautla olmaqla, 40 dəfə qələbə qazanan Pərviz bu gün də uğurlu nəticəyə iddialıdır. Lakin keçirdiyi 13 görüşün 10-da rinqi başıuca tərk edən Aziz Kallahla görüşdə bu vəzifənin öhdəsindən gəlmək heç də asan olmayacaq.

Qeyd edək ki, döyüş Bakı vaxtı ilə 23:00-da başlayacaq.