PSJ-dən yeni uğur
Fransanın "Paris Sen-Jermen" klubu avrokubok turnirlərində yeni klub rekordu müəyyənləşdirib.
Sportline.az "Opta"ya istinadən xəbər verir ki, Çempionlar Liqasının “Brest”lə cavab pley-off qarşılaşmasında parislilər 7:0 hesabı ilə qalib gələrək, beynəlxalq yarışlarda tarixdə ən böyük hesablı qələbə qazanıblar.
Əvvəllər avrokuboklarda PSJ üçün ən böyük hesab 7:1 idi. Bu nəticə ilə parislilər 2001-ci ilin avqustunda İntertoto kubokunda Belçika “Qent”ini, 2017-ci ilin noyabrında isə Çempionlar Liqasının qrup mərhələsində Şotlandiya “Seltik”ini məğlub ediblər.
