"Qarabağ"ın azarkeş dəstəyinə ehtiyacı var

Ölkə çempionumuz "Qarabağ" sabah Avropa Liqasının Liqa mərhələsində növbəti oyuna çıxacaq.

Komandamızın 7-ci turdakı rəqibi Rumıniyanın FCSB komandasıdır.

Bu qarşılaşmada mütləq qələbə qazanmalı olan "Qarabağ"ın azarkeş dəstəyinə ehtiyacı var.

Hələlik qarşılaşmaya 15 minə yaxın bilet satılıb.

Bu haqda Sportline.az-a klubun mətbuat katibi Anar Hacı məlumat verib.

Onun sözlərinə görə, satışa çıxarılan 30 minə yaxın biletin təxminən yarısı öz sahibini tapıb.

Rəqib komanda da sabahkı oyunda dəstəksiz qalmayacaq. Təxminən 50-dən artıq rumıniyalı fanatın görüşü tribunadan izləyəcəyi gözlənilir.

Qeyd edək ki, sabah Tofiq Bəhramov adına respublika stadionunda keçiriləcək "Qarabağ" - FCSB görüşü saat 21:45-də başlanacaq. 

7-ci tur ərəfəsində Azərbaycan çempionu 3 xalla 33-cü, FCSB 11 xalla 10-cu sırada qərarlaşıb.