"Qarabağ" - "Neftçi" matçının biletləri satışda
Azərbaycan Premyer Liqasının XXXI turunun "Qarabağ" - "Neftçi" görüşünün biletləri bu gün saat 12:00-dan etibarən satışa çıxarılıb.
Sportline.az xəbər verir ki, biletlərin qiyməti sektorlara uyğun olaraq dəyişir. Qiymət 3, 7 və 15 manat aralığındadır.
Biletlər bu gün saat 12:00-dan etibarən iTicket.az-da onlayn, oyun günü isə həm iTicket.az-da onlayn, həm də Tofiq Bəhramov adına Respublika stadionunun kassalarında da satışda olacaq.
Qapılar azarkeşlər üçün matçın start fitindən 120 dəqiqə əvvəl açılacaq.
Qeyd edək ki, "Qarabağ" - "Neftçi" qarşılaşması 19 aprel tarixində, saat 20:00-da Tofiq Bəhramov adına Respublika Stadionunda keçiriləcək.
