"Qarabağ"ın rəqibi Bakıya gəlir

"Qarabağ"ın Avropa Liqasının Liqa mərhələsinin 7-ci turundakı rəqibi - FKSB klubu bu gün Bakıya gələcək.

Sportline.az xəbər verir ki, Rumıniya təmsilçisi axşam saatlarında çarter reysi ilə yola çıxacaq.

Bakıda qonaqları 80-ə yaxın azarkeşin dəstəkləyəcəyi gözlənilir.

Qeyd edək ki, yanvarın 23-də Tofiq Bəhramov adına stadionda keçiriləcək "Qarabağ" - FKSB görüşü saat 21:45-də başlanacaq.