"Qarabağ"ın yeni transferi Bakıya gəlməyi səbirsizliklə gözləyir
"Qarabağ"ın Portuqaliyanın "Şaveş" klubundan transfer etdiyi Kevin Medina yaxın günlərdə Bakıya gələcək.
Sportline.az xəbər verir ki, bu barədə "Report"a kolumbiyalı futbolçunun özü məlumat verib.
27 yaşlı müdafiəçi hazırda Portuqaliyada olduğunu bildirib: "Bakıya nə vaxt gələcəyimi bilmirəm. Amma bu, tezliklə olmalıdır. Koronavirus pandemiyası səbəbindən əcnəbilərin Azərbaycana səfər etmələri elə də asan deyil. Bakıya yollanacağım günü səbirsizliklə gözləyirəm".
Qeyd edək ki, "Qarabağ"ın Kevin Medina ilə 3 illik müqavilə imzalayacağı gözlənilir.
