Robben bu kluba görə futbola qayıtdı
2019-cu ildə "Bavariya"dan ayrıldıqdan sonra karyerasını bitirdiyini elan edən Aryen Robben futbola qayıdıb.
Sportline.az xəbər verir ki, Niderland millisinin keçmiş üzvü karyerasını ölkəsində davam etdirəcək. 36 yaşlı yarımmüdafiəçi yetirməsi olduğu "Qroningen"lə müqavilə bağlayıb.Robben peşəkar karyerasına 2000-ci ildə Hollandiyanın "Qroningen" klubunda başlayıb. Niderlandlı oyunçu PSV, "Çelsi" və "Real" klublarında da çıxış edib. O, 2009-2019-cu illərdə "Bavariya"da oynayıb.
Aryen Robben 2003-2017-ci illərdə Niderland millisində 96 oyun keçirib və 37 qol vurub.
